మూడము:
గురు, శుక్రలు రవితో కలసి యుండెడి కాలమున మూఢము లేదా మౌడ్యము అందురు. వారు శుభఫలములనీయరు. కావున వివాహాది శుభకార్యాలు చేయరాదు. ఆశ్లేషాది గండ నక్షత్రములకు శాంతి, హోమ,జప, అభిషేకములు మాత్రమే చెయవలెను.
గోధూళికా ముహూర్తము:
సూర్యుడున్నట్టి లగ్నము నుండి 7వది గోధుళిక మనబడును. మేతకు వెళ్ళిన గోవులు మరలవచ్చెడి - సూర్యాస్తమయ పూర్వవేళ అన్ని ప్రయాణాలకు మంచిది.
వివిధ యాత్రలకు:
స్త్రీ యాత్రకు వృషభ,క్స్న్యా,మిధున, రాసులు; గోయాత్రకు తుల, వృషభ, మేష, మకర లగ్నములు;ధనార్ధులకు కుంభ, కర్కట, మీనా,మకర రాసులు;యుద్దయాత్రకు మేష, వృషభ, సింహా, ధనూర్ లగ్నములు జయప్రదములు.
తిధి సంధి:
అమావాస్యకు శుద్ద పాడ్యమిక నడుమ; పంచమి, షష్ఠీల మధ్య; దశమి, ఏకాదశుల నడుమ, 4 గడియల కాలము తిధిసంధి.
నక్షత్ర సంధి:
రేవతీ అశ్వినుల మధ్యను, ఆశ్లేషా మఘ మధ్యను, జ్యేష్ఠా మూల తారల మధ్యను, - 4 గడియల కాలము నక్షత్ర సంధి.
లగ్న సంధి:
మీన మేషములు, కర్కట సింహములు వృశ్చికల ధనస్సులు- విఇని నడుమ 1 గడియ లగ్న సంధి .
కనుములు:
మరణము, శవదహనమూ, సపిండీకరణము, జాతర ,సంక్రమణము గ్రహము- ఇవి జరిగిన మరుసటి రోజున ’కనుమ’ అందురు.కనుమ రోజున ప్రయానములు చేయరాదు.
నిషిద్ద నవమీ త్రయము:
ఏదైనను ఒక ప్రయాణము చెసిన 9వ రోజున గాని, ఆ తిధికి 9వ తిధి గాని, ప్రవేశము చేయరాదు. ప్రవేశించిన నాటి 9వ నాడు గాని, 9వ తిధిని గాని,- అటునుంశి బయలుదేరరాదు. వీనినే ప్రయాణ నవమి,ప్రవేశ నవమి, ప్రత్యక్ష నవమి అందురు. ఈ మూడు నవములు తిరుగు ప్రయాణమునకు నిషిద్దములు.
పక్షచ్చిత్ర తిధులు:
4,6,8,9,12,14 - తిధులు.
పరామర్శకు:
ద్వీపాద, త్రిపాద తారలు, ధనిష్ఠా పంచకము పనికిరావు. సంఘటించినదాది సంవత్సరము లోపల ఏదో ఒక బేసి నెల పరామర్శకు శుభము.
తిస్రోష్టకలు:
మార్గశిర, పుష్యా, మాఘ, ఫాల్గున మాసములలో, క్రిష్ణ పక్షమున వచ్చు 7,8,9, తిధులలో కూడిన దినములను తిస్రోష్టకము లందురు. ఇవి అనధ్యాయములు.
విసర్జించవలసిన కాలము:
గ్రహణాది 7 రోజులు, లగ్నాంతమున 1/2 గడియలు,మాసాంతపు రోజులు, సంవత్సరమున రోజులు వర్జనీయాలు; శుభకార్యాలు చేయరాదు.
చుక్క ఎదురు దోషము:
శుక్ర మూఢములలో ప్రయాణమునే చుక్కెదురు దోషందురు. నవవధువూ, గర్బిణీ ,బిడ్డతో కలసి బాలెంత- వీరు ముగ్గురును శుక్రాభిమఖముగా ప్రయాణము చెయరాదు. శీవత్సగోత్రము వారికి చుక్కెదురు (ప్రురశ్శుక్ర) దోషము లేదు.
శన్యషః కాలము:
శనివారము సూర్యోదయమునకు ముందు (సుమారు 30 ని!!ల) సమయమున శనుష్యః కాలమందురు. ఈ సమయములో ప్రయాణమై వెళ్ళినను, మరి ఏ పని ప్రారంభిచినను దిగ్విజయమగును.
అభిజిత్ ముహూర్తము:
సూర్యోదయ లగ్నము నుండి నాల్గవ లగ్నము, సుమారు 12 గంటలు వేళ అభిజిన్ముహూర్త మనబడును. ఇది సర్వదోష నివారణము, యత్న కార్యసిద్దిని కలిగించును.
పంచ పర్వములు:
బహుళ, అష్ఠమి,చ్ చతుర్దశి, అమావాస్య, పూర్ణిమ,సంక్రమన ప్రవేశకాలపు తిధి - ఇవి పంచపర్వములు.వీనియందు స్త్రీసంగమము కూడదు.
0 వ్యాఖ్యలు:
Post a Comment